Naxçıvan Muxtar Respublikası Ali Məclisinin Sədri Vasif Talıbov doqquz aylıq əməkhaqqısı miqdarında olan 32 min 300 manat vəsaiti Naxçıvan Muxtar Respublikasında Koronavirusla Mübarizəyə Dəstək Fonduna köçürüb.Qeyd edək ki, Naxçıvan Muxtar Respublikası Ali Məclisi Sədrinin 24 mart 2020-ci il tarixli “Naxçıvan Muxtar Respublikasında əhalinin sağlamlığının qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında” Fərmanına əsasən Naxçıvan Muxtar Respublikasında Koronavirusla Mübarizəyə Dəstək Fondu yaradılıb.

Naxçıvan Muxtar Respublikasının Koronavirusla Mübarizəyə Dəstək Fonduna Azərbaycan Respublikasında fəaliyyət göstərən bütün banklara məxsus ödəniş terminalları vasitəsilə vəsaitlərin ödənilməsi imkanı yaradılıb. Ölkə ərazisinin böyük əksəriyyətində quraşdırılan müvafiq terminallardan istifadə etməklə artıq vətəndaşlar asan yolla vəsaitlərin ödənilməsini həyata keçirə biləcəklər.
Xəbər verdiyimiz kimi, Fonda ödəniş edilməsi üçün terminalın əsas səhifəsindən “Naxçıvan Muxtar Respublikasının Koronavirusla Mübarizəyə Dəstək Fondu”u seçilir, sonra ödəyən vətəndaşın şəxsiyyət vəsiqəsinin FİN-kodu müvafiq bölməyə daxil edilir və “irəli” sıxılır, növbəti ekranda mobil telefon nömrəsi daxil edilir və təkrar “irəli” sıxılır, açılan yeni ekranda ödənilməsi nəzərdə tutulan pulun daxil edilməsi gözlənilir, ödənilməsi nəzərdə tutulan vəsait terminalın pul qəbul bölməsinə yerləşdirilir, ekranda daxil edilən məbləğin görülməsindən əmin olduqdan sonra “ödə” sıxılır. Ödənişin qəbul olunmasına dair çap olunan çekdə, aidiyyəti bütün məlumatlar öz əksini tapır. Beləliklə şəxsin pasport məlumatlarına uyğun ödəniş həyata keçirilmiş olur.
Nəzərinizə çatdırırıq ki, xidmətin istifadəyə verilməsində əsas məqsəd vəsait ödənilməsi aksiyasına könüllü qoşulmaq istəyən ölkə vətəndaşlarının buna asan nail olmasıdır.

Martın 26-da Naxçıvan Muxtar Respublikasında Koronavirusla Mübarizəyə Dəstək Fondunun rəsmi internet saytı  https://covid19fundnmr.az  fəaliyyətə başlayıb.
Saytın yaradılmasında əsas məqsəd muxtar respublikada koronavirus infeksiyasının yayılmasının qarşısının alınması istiqamətində görülmüş işlərlə bağlı ictimaiyyətin operativ məlumatlandırılmasıdır.
Saytda ianələr barədə məlumatlar mütəmadi olaraq yenilənir. Həmçinin ödəniş edən  hüquqi və fiziki şəxslərin adları, eyni zamanda vəsaitlərin ümumi həcmi ictimaiyyətə təqdim olunur.
Fondun saytında “İanə et” bölməsinin yaxın günlərdə aktivləşdirilməsi ilə onlayn ödənişlərin qəbul edilməsi də təmin ediləcəkdir. Bununla istənilən ünvandan könüllülərin ödəniş aksiyasına qoşulmasına şərait yaradılacaq.
Sayt Naxçıvan Muxtar Respublikasının Maliyyə Nazirliyi tərəfindən idarə olunur.

Naxçıvan Muxtar Respublikası Ali Məclisi Sədrinin 24 mart 2020-ci il tarixli Fərmanına əsasən Naxçıvan Muxtar Respublikasında Koronavirusla Mübarizəyə Dəstək Fondu yaradılıb,  “Fondun vəsaitinin formalaşdırılması, idarə olunması və ondan istifadə Qaydası” təsdiq edilib.
Koronavirusla Mübarizəyə Dəstək Fondu üçün Nazirliyin mərkəzi xəzinədarlığında hesab açılıb
Açılmış xəzinə hesabının rekvizitləri aşağıdakı kimidir:
Hesabın adı : Koronavirusla Mübarizəyə Dəstək Fondu 
Vəsaiti alan: Naxçıvan Muxtar Respublikası Maliyyə Nazirliyi 
VÖEN : 0200003621 
Hesabın №-si : AZ21NABZ12360100000000005944 
 
Bankın adı: Mərkəzi Bankın Naxçıvan MR İdarəsi 
Bankın Kodu : 502906 
Muxbir hesab : AZ88NABZ01451700000000012944 
Bankın VÖEN-i : 0200087741 
SWIFT BIK : NABZAZ2C
Naxçıvan Muxtar Respublikası Ali Məclisinin Sədri Vasif Talıbov martın 24-də Naxçıvan Muxtar Respublikasında koronavirus infeksiyasına qarşı həyata keçirilən səhiyyə tədbirləri üçün Koronavirusla Mübarizəyə Dəstək Fonduna vəsait ayrılması haqqında Sərəncam imzalayıb.
Sərəncamda deyilir:
Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndini rəhbər tutaraq qərara alıram:
1. Koronavirus infeksiyasının yayılmasının qarşısının alınması və onunla mübarizə istiqamətində səhiyyə tədbirlərinin həyata keçirilməsi məqsədilə Naxçıvanın İnkişafı və Müdafiə Fondundan 200000 (iki yüz min) manat Koronavirusla Mübarizəyə Dəstək Fonduna ayrılsın.
2. Naxçıvan Muxtar Respublikasının Maliyyə Nazirliyi bu Sərəncamdan irəli gələn məsələləri həll etsin".
Naxçıvan Muxtar Respublikası Ali Məclisinin Sədri Vasif Talıbov martın 24-də Naxçıvan Muxtar Respublikasında əhalinin sağlamlığının  qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında Fərman imzalayıb.
Fərmanda deyilir:
"Naxçıvan Muxtar Respublikası Konstitusiyasının 5-ci maddəsinin II his­səsinin 22-ci bəndini rəhbər tutaraq muxtar respublikada koronavirus infeksiyasına qarşı mübarizə tədbirlərinin gücləndirilməsi məqsədilə qərara alıram:
1. Naxçıvan Muxtar Respublikasında Koronavirusla Mübarizəyə Dəstək Fondu yaradılsın.
2. “Koronavirusla Mübarizəyə Dəstək Fondunun vəsaitinin formalaşdırılması, idarə olunması və ondan istifadə Qaydası” təsdiq edilsin .
3. Müəyyən edilsin ki, Koronavirusla Mübarizəyə Dəstək Fondunun məqsədi koronavirus infeksiyasının Naxçıvan Muxtar Respublikasında yayılmasının qarşısını almaqdan və onunla mübarizə istiqamətində həyata keçirilən tədbirlərə maliyyə dəstəyini təmin etməkdən ibarətdir.
4. Naxçıvan Muxtar Respublikasının Nazirlər Kabineti bu Fərmandan irəli gələn məsələləri həll etsin".
1 ... 3 4 5 6 7 8 9 10 11 ... 30
 
Əvvəlki yazılar        Növbəti yazılar